రెక్కలు.... సంకల్పబలం

తలచుకుని
తపిస్తే
అసాధ్యాలన్నీ
సుసాధ్యాలే

చందమామపైకెక్కించింది ~
సంకల్పబలం

రెక్కలు... ( అంశం: మూగజీవులు)

ప్రేమిస్తే
ప్రాణం
ఇస్తాయి
పశువులు

ప్రేమించకుంటే ప్రాణాలు తీస్తారు ~
మనుషులు


------------------------------

చదవగలిగితే
ఆ చూపులు
చెప్పే
భావాలెన్నో


మౌనంగా మాట్లాడతాయి ~
మూగ జీవాలు

రెక్కలు

గుండెల్ని

కుదిపేసే

అనుభూతుల

అలజడులు

 

ప్రణయం ~

ఓ ప్రళయం

రెక్కలు- కళ

చెవిలో

పూలు

నామినేటర్ల

ఆస్థులు

చూసే కళ్ళు చెప్పలేవు~

కొన్ని నిజాల్ని

---------------------------------------

ప్రతి

ఓటమి

వెనుక

ఓ గెలుపు

చీకటిని అంటిపెట్టుకునే ~

పగలు

---------------------------------------------------

రెక్కలు - ప్రోత్సాహం

వెన్నుతట్టే
వారుంటే
వెనకడుగు వేసే
ప్రశ్నే లేదు



లెక్కలేనన్ని ఆవిష్కరణలకు నాంది~
ఒక్క ప్రోత్సాహం

రెక్కలు - (బాల్య వివాహాలు, నిజం, స్త్ర్రీ, పనిమంతులు.....)

ముక్కుపచ్చలారందే
పచ్చతాడు
బంగరు కలల జీవితానికి
బలితాడు

తుంపేసిన పచ్చి మొగ్గలు~
వికసించవు


----------------------------------



చెప్పేవాళ్ళందరూ
చెయ్యరు
చేసేవాళ్ళందరూ
చెప్పరు

చేసిచూపిస్తారు~
చేవ ఉన్నవాళ్ళు

--------------------------------------------------


త్రవ్వినా
భరించే ధరిత్రి
తన్నినా
తట్టుకునే స్త్రీమూర్తి


సహనం తో~
విజయం

---------------------------------------------------

నోరు
నిజం చెప్పకున్నా
కళ్ళు
అబద్ధమాడలేవు

ప్రతి అబద్ధాన్నీ బైటపెడ్తుంది~
ఓ నిజం

-------------------------------------------------------

రెక్కలు - చెట్టు

విత్తువేసేది
ఒకరు
పండు తినేది
మరొకరు


ఒక్క చెయ్యి ~
ఎన్నో కడుపుల్ని నింపగలదు.

---------------------------------------